मुंबई पोलीस
महाराष्ट्राच्या मुंबई वाहतूक पोलीस नियंत्रण कक्षाला धमकीचा संदेश आला. हा संदेश मिळताच अधिकाऱ्यांमध्ये घबराट पसरली. या मेसेजमध्ये मुंबईत 6 ठिकाणी बॉम्ब ठेवण्यात आल्याचे सांगण्यात आले होते. संदेश मिळाल्यानंतर सुरक्षा यंत्रणा सतर्क झाल्या आहेत. मुंबई पोलीस मेसेज पाठवणाऱ्या व्यक्तीचा शोध घेत आहेत.
मुंबई वाहतूक पोलिसांनी दिलेल्या माहितीनुसार, त्यांच्या हेल्पलाइन क्रमांकाच्या व्हॉट्सॲप क्रमांकावर हा संदेश आला होता. यानंतर वाहतूक पोलिसांनी शहर पोलीस आणि गुन्हे शाखा एटीएसला माहिती दिली. मुंबई पोलिसांनी काही संशयास्पद ठिकाणांची झडतीही घेतली, मात्र त्यांना काहीही मिळाले नाही. याप्रकरणी रात्री उशिरा जॉईंट सीपींनी एफआयआर नोंदवण्याचे आदेश दिले असून या प्रकरणाचा तपास शहर पोलिस तसेच गुन्हे शाखेकडून सुरू आहे.
