महाराष्ट्र क्राईम न्यूज: महाराष्ट्रातील शिर्डी येथून एक धक्कादायक घटना समोर आली आहे. अहमदनगर जिल्ह्यातील शिर्डी शहराजवळ एका व्यक्तीने सासरच्या घरात उपस्थित असलेल्या सहा जणांवर चाकूने हल्ला केला. या हल्ल्यात तिघांचा जागीच मृत्यू झाला, तर तीन जण गंभीर जखमी झाले. पोलिसांनी दिलेल्या माहितीनुसार, बुधवारी रात्री उशिरा ही घटना घडली. त्यानंतर पोलिसांनी आरोपी जावयाला अटक केली आहे.
पोलिसांनी पुढे सांगितले की, प्राथमिक तपासानुसार, कौटुंबिक वादातून जावयाने पत्नी, सासू आणि मेव्हणीचा धारदार शस्त्राने वार करून निर्घृण खून केला. या हल्ल्यात कुटुंबातील अन्य तीन सदस्य जखमी झाले असून त्यांच्यावर शिर्डी येथील रुग्णालयात उपचार सुरू आहेत. सुरेश निकम असे आरोपीचे नाव आहे. वर्षा सुरेश निकम, रोहित गायकवाड, हीराबाई गायकवाड अशी मृतांची नावे आहेत. पोलिसांनी आरोपींविरुद्ध खुनासह इतर कलमांखाली गुन्हा दाखल केला असून ही हत्या का करण्यात आली याचा शोध घेत आहेत.
