नाशिकमध्ये मोबाईलचा स्फोट
महाराष्ट्रातील नाशिकमध्ये मोबाईलचा स्फोट झाला. मोबाईलचा स्फोट झाल्याने जवळ उपस्थित असलेले तिघेजण गंभीर जखमी झाले. चार्जिंग करताना मोबाईल खिडकीजवळ ठेवला होता, असे सांगण्यात येत आहे. मोबाईलचा स्फोट झाल्याने खिडक्यांच्या काचाच नव्हे तर बाहेर ठेवलेल्या वाहनांच्या काचाही फुटल्या. हा स्फोट इतका भीषण होता की त्याचा आवाज आजूबाजूच्या लोकांच्या घरापर्यंत पोहोचला.
मिळालेल्या माहितीनुसार, ही घटना नाशिकमधील सिडको उत्तम नगर परिसरात घडली. स्फोट झाला त्यावेळी खिडकीजवळ मोबाईल चार्ज होत होता. मोबाईलच्या शेजारी अत्तराची बाटली ठेवली होती. परफ्युमच्या बाटलीमुळे असा भीषण स्फोट झाल्याचे सांगण्यात येत आहे. मोबाईल स्फोटात तीन जण गंभीर जखमी झाले आहेत. पोलिसांना माहिती मिळताच त्यांनी घटनास्थळ गाठून जखमींना रुग्णालयात दाखल केले.
पोलिसांकडून मिळालेल्या माहितीनुसार, मोबाईल स्फोटामुळे जखमी झालेल्या लोकांना रुग्णालयात दाखल करण्यात आले असून त्यांच्यावर उपचार सुरू आहेत. स्फोटात तिघेही भाजले. मात्र, मोबाईलचा स्फोट होण्याचे नेमके कारण अद्याप समोर आलेले नाही. पोलीस या संपूर्ण प्रकरणाचा तपास करत आहेत. आजूबाजूला उभ्या असलेल्या लोकांनी सांगितले की, हा स्फोट इतका भीषण होता की, खोलीतील मोबाईलचा स्फोट झाल्याने खिडक्यांच्या तसेच बाहेर ठेवलेल्या वाहनांच्या काचा फुटल्या.
या स्फोटानंतर काही व्हिडीओ समोर आले आहेत ज्यात स्फोटामुळे खोलीच्या आत झालेला विध्वंस दिसत आहे. व्हिडिओमध्ये दिसत आहे की, स्फोटानंतर मोबाईलच्या बॅटरीचे तुकडे खोलीत पडले होते.
अधिक वाचा: आमिर खानची मुलगी या शहरात करणार तिच्या प्रियकराशी लग्न, जानेवारीत होणार कार्यक्रम
