वांद्रे सिलिंडर स्फोट: मुंबईच्या वांद्रे येथील गजधर रोड भागात एका घरात सिलिंडरचा स्फोट होऊन पाच जण जखमी झाले आहेत. शनिवारी सकाळी 6.15 च्या सुमारास वांद्रे येथील गजाधर रोड परिसरात वन प्लस स्ट्रक्चर असलेल्या घरात गॅस सिलिंडरचा स्फोट झाला. सिलिंडर स्फोटाच्या घटनेत घरातील पाचही जण जखमी झाले आहेत. पाच जखमींना भाभा रुग्णालयात उपचारासाठी दाखल करण्यात आले आहे. हा सिलेंडरचा स्फोट कशामुळे झाला याचा तपास स्थानिक पोलीस आणि अग्निशमन दल करत आहेत. सध्या सर्व जखमींची प्रकृती स्थिर आहे.
